KUCHING: Sekretari Perintah Sarawak, Datuk Amar Mohamad Abu Bakar Marzuki nerima penemuai basa ari deligit Komiti Besai Servis Perintah Nengeri Sarawak (SPANS) di Wisma Bapa Malaysia, Hari Lima.

Deligit nya betuai ke Chairman SPANS, Datu Kameri Affandi ke ngepunka pengawa kena 1 Ogos 2025.

Tuju penemuai nya dikena Sekretari Perintah Sarawak bekelala enggau tiga raban SPANS ti baru dichiri taun tu, iya nya, Datu Ismail Mohamad Hanis, Datu Lau Hieng Ung enggau Dr Ahi Sarok.

Kelimpah mai bekala enggau raban pemesai baru, pengawa betemu nya mega berandauka perambu dikena ngenegap kerejasama, tanggungpengawa enggau batang pengawa SPANS dudi hari.

Bela datai, Sapit Chairman SPANS, Datu Antonio Kahti Galis, begulai enggau raban SPANS bukai iya nya Datu Jack Aman Luat, Dato Abdul Rahman Sebli Logo@Senusi enggau Sekretari SPANS, Mohamad Lotfi Tuah.-EDISI UKAS