KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg nerima penemuai basa ari Datuk Bandar Kaunsil Mengeri Pasir Gudang (MBPG), Dato’ Mustaffa Kamal Shamsudin di Kompleks Satria Pertiwi ditu, kena Hari Satu tu tadi.

Nitih ku Dato’ Mustaffa, tuju penemuai basa nya, dikena meri terima kasih ngagai saup rayat Sarawak ba pemansang mayuh industri di Pasir Gudang kenyau ari pun 1980-an.

“Sehari tu tanggungpengawa sida majak ngerembai laban ukai semina ba industri kilang, komersial enggau pengawa berumah aja tang majak mayuh raban ti chakah ngerembai ke macham dagang enggau servis.

“Rebak baru mayuh udah mujur nampung pelajar ba macham Palan Pelajar Tinggi (IPT) nyengkaum Universiti Malaysia Sarawak (UNIMAS),” ku iya madah ba siti penerang.

Iya mega bisi ngenang bekaul strategi ekonomi baru Sarawak baka pengawa ngeluar metanol, ammonia, kuasa hidrogen, kuasa solar melepu sereta bukai, ti ulih mai mayuh agi pengawa puang begaji besai sereta nyaup agenda pelajar tinggi enda bebayar lalu nyungkak penatai pemisi diri sebilik.

Bela datai, Sapit Sekretari MBPG Nor Rahman Mustaffa, Pegawai Khas Tugas-Tugas Datuk Bandar Dr. Norlina Muhammad, Kaban Kuansil MBPG Norizam Shah Md Yunus enggau Direktor Pengerai Mensia Mayuh enggau Rampa Menua MBPG Muhammad Razif Ramlan.-EDISI UKAS