JULAU: Bisi 17 iku sida ke beempu tanah nerima 30 iti chek pampas tanah ungkup Projek Ngadu Jalai Batang Lama Nengeri Sarawak (Renggat IV): Sitak Sarikei-Jalai Rumah Lugum, Nanga Taba, Julau enggau semua penyampau RM265,395.64.

Projek nya nujah tanah Adat Bumiputera (NCR), 16.0883 hektar tauka 39.75 ekar pemesai ngadu jalai batang lama, 5.6 kilometer pemanjai datai ba Rumah Lugum Jenging.

Chek pampas nya disuaka Kaban Kunsil Nengeri (ADUN) Meluan, Rolland Duat Jubin, Hari Satu tu tadi.

Ba jaku iya maya aum media nangkan nya, iya madahka pemansang utiliti di menua pesisir beguna bendar ba Pelin Pemansang Udah COVID-19 (PCDS) 2030 lalu nentuka pemujur Tuju Pemansang Meruan (SDG).

"Pemansang tu baka ai beresi, karan, jalai enggau servis telekomunikesyen ke ulih meransang penumbuh ekonomi rayat," ku iya madah. -EDISI UKAS