SPAOH: Pengerami Ngiling Tikai ke nyadi kelai nutup Gawai Dayak, dirami enggau chukup adat sereta pengelantang diatur ba Rumah Panjai Mendit Unsu, Penom, Ulu Paku, empai lama tadi.

Pengerami nya dipenyadi Sapit Premier Sarawak ke mega Kaban Kunsil Nengeri (ADUN) Bukit Saban, Datuk Amar Douglas Uggah Embas ti bela disempulang Kaban Parlimen Betong, Dato Dr. Richard Rapu ti bela nyadi kelai sukung tegut perintah ngagai rayat menua pesisir.

Datuk Amar Douglas ba jaku iya madah, pengawa Ngiling Tikai ukai semina adat main asal kena nutup Gawai, tang tau nyadi pelasar nerenak ulah rindau segulai seraya ngenegap penyerakup pupu raban bansa.

"Pengerami ke diintu enggau pengaya budaya tu mega mandangka pemanah pesaka bansa Dayak, kelimpah nyadi kelai pemanah kaul rayat enggau tuai, setipak enggau juluk ati Sarawak Mansang 2030.

"Enggau pengaya budaya, pengelebih dikembuan rayat sereta saup perintah ti enda ngetu, Spaoh enggau menua ngelingi deka majak tegap nempa pemansang ti inklusif, meruan sereta bepelasarka rayat, lebih agi ba sitak DUN Bukit Saban," ku iya. - EDISI UKAS