KUCHING: Bisi 137 penerima Pingat enggau Darjah Kebesaran Sarawak ari Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar ba Istiadat Pengurniaan Darjah-Darjah Kebesaran Sarawak di Dewan Besar Astana Negeri ditu, Hari Tiga.
Ngepun ke rintai 10 penerima Darjah Utama Yang Amat Mulia Bintang Kenyalang Sarawak, Pegawai Bintang Kenyalang (P.B.K), iya nya Tuai Biro Pelajar Kaunsil Pengintu Pengelantang enggau Lumba Kaban Gawa Perintah Malaysia (MAKSAK) Indu Sarawak, Datin Fauziah Mardiana Sepawi, sereta Direktor Palan Kuasa Meruan enggau Ulih Dikena Baru (ISuRE) Universiti Malaysia Sarawak (UNIMAS), Profesor Ts Dr Shanti Faridah Salleh.
Bela nerima pingat iya nya 20 individu ke diberi Pingat Pentadbiran Awam Pingat Perkhidmatan Bakti (P.P.B), nyengkaum Dr Ho Ai Chia, Dr Sally Suriani Ahip, Dr Mohamad Norjayadi Tamam enggau Dr Rudy Tawie Joseph Sipi.
Kelimpah ari nya, bisi 18 penerima Darjah Yang Amat Mulia Bintang Sarawak, Ahli Bintang Sarawak (A.B.S) enggau 18 penerima Darjah Utama Yang Amat Mulia Bintang Kenyalang Sarawak, Ahli Bintang Kenyalang (A.B.K).
Ungkup Pingat Pentadbiran Awam Pingat Perkhidmatan Terpuji (P.P.T), bisi 39 individu udah nerima pingat nya baka Abdul Aziz Kadri, Abdul Karim Dollah, Ain Lamat, Amin Mangi, Amirul Syafiq @ Kertini Karnil enggau Amir Hamzah Jahidin.
Lalu bisi 32 individu nerima Darjah Yang Amat Mulia Bintang Sarawak, Bentara Bintang Sarawak (B.B.S), nyengkaum Awang Sahpura Awang Mangku, Aidel Jemat, Bohari Mohamad Zini, Chundi Jipon enggau Emran Pa’ee.
Sama datai ngemata pengawa nya, Sekretari Perintah Sarawak, Datuk Amar Mohammad Abu Bakar Marzuki.
Sapit Menteri ba Opis Premier Sarawak (Integriti enggau Ombudsman), Datuk Dr. Juanda Jaya, Sapit Menteri Dagang Antarabansa, Industri enggau Meranak Puku Sarawak, Datuk Dr. Malcolm Mussen Lamoh, Sapit Menteri Infrastruktur enggau Pemansang Penyangkai Kapal, Dato Majang Renggi, Luyar Besai Sarawak, Dato Sri Saferi Ali, Pesuruhjaya Polis Sarawak, Dato Mancha Ata, raban tuai opis perintah enggau raban pegawai kanan perintah mega bisi datai.-EDISI UKAS
