KUCHING: Kaban Parlimen Batang Sadong, Rodiyah Sapiee nerima penemuai basa ari pengari Unit Komunikasi Awam Sarawak (UKAS) Bagi Menua Samarahan di Opis Servis Rayat P.200 Batang Sadong kena Hari Empat.

Penemuai ti diatur manggai dua jam nya nyadi pelasar besai ungkup kededua raban besilih penemu dikena negap kerejasama strategik entara UKAS enggau Palan Servis Rayat Parlimen Batang Sadong.

Entara pekara ti dikerandau nyengkaum tanggungpengawa sida ngemanah pengasi ngenatai penerang sereta nyendiaka servis ngagai mensia mayuh.

Penemuai tu dikearap ulih ngerapitka agi kaul entara UKAS Bagi Menua Samarahan enggau Opis Servis Rayat seraya ngerandang peluang kerejasama ti besai agi sereta meri pemaik dudi hari. – EDISI UKAS