TEBEDU: Tanggungpengawa Tuai Raban Bansa enggau kaban Komiti Pemansang enggau Pengelikun Genturung Pendiau (JKKK) beguna amat dikena nyamin pemansang genturung pendiau, ku Kaban Kunsil Nengeri (ADUN) Kedup, Datuk Martin Ben nyemetak.

Bejaku ba Pengerami Tuai Begulai enggau Rayat ditu kena Hari Empat, iya mega ngemendar agih belanja RM5 juta ari Agensi Penyeraris Pemansang Greater Kuching (GKCDA) ungkup projek jalai baru ari Muara Ahi, Getsemene ke Terbat Mawang ti disadang ditinda taun tu.

“Jalai alternatif tu deka meri pemaik besai ngagai peranak enggau meri peluang ekonomi nengah pemansang tanah sepanjai jalai nya," ku iya.

Iya mega nyuaka belanja ari kuchik iya empu ngagai orang tuai beumur 70 taun ke atas seraya ngatapka pengerami Gawai Dayak sekali tu meri berekat ngagai semua komuniti.

Sama datai iya nya pengari Residen Bagi Menua Serian, Mohd Nazien Mayaddin, Temenggong Henry Bujang Senden enggau Pemancha Kane Manung.-EDISI UKAS