KOTA SAMARAHAN: Siru ke raban kurang penatai pemisi ke deka ngintu Gawai Dayak, Kaban Kunsil Nengeri (ADUN) Stakan, Datuk Hamzah Brahim nyuaka bantu ngagai 300 penerima ari bemacham genturung majoriti raban bansa Iban enggau Bidayuh.

Simbolik pengawa nyuaka Bantu Gawai 2025 diatur ba Dewan Prima Bai Mandai, Kampung Quop ngagai 60 penerima ti datai sehari tu.

Pengerami nya sebagi ari inisiatif ngintu pengelantang serimbai Gawai Dayak ke deka datai ke alai penerima nyengkaum peranak Kampung Merdang Limau, Kampung Merdang Lumut, Kampung Sijiram enggau Taman Samarindah.

"Pemeri tu dikearap ulih mantu sida ngintu pengerami Gawai Dayak ke deka datai,"ku iya.

Sama datai ba pengawa nya, Tuai Raban Bansa Kampung Quop, Bonita Andrew; Tuai Ranting PBB Kampung Quop, Jana Serit; Tuai Raban Nembiak PBB, Fato Azicos Ateng enggau Tuai Indu PBB, Alessandra Vicciria Chai.-EDISI UKAS