KUCHING: Sapit Menteri Besai ke mega Menteri Pemansang Genturung enggau Kandang Menua (KKDW), Datuk Patinggi Dr Ahmad Zahid Hamidi, datai pagi tu ngambi ngepunka penemuai gawa dua hari iya ditu.

Penatai iya urung pukul 8.45 pagi ba Pangkalan Udara Soldadu Langit Diraja Malaysia (TUDM) ditu ngena bilun khas lalu penatai iya udah diambat Sapit Menteri Industri Pemakai, Komoditi enggau Pemansang Kandang Menua Sarawak, Datuk Martin Ben, Sapit Menteri KKDW, Datuk Rubiah Wang enggau Tuai Sekretari Politik Premier Sarawak, Dato Fazzrudin Abdul Rahman.

Pengudah datai ditu, iya disadang ngulu Sesi Taklimat Bejalaika Program enggau Projek Pemansang KKDW di Sarawak ti diatur ba siti hotel ba mengeri tu sebedau besembiang ba Masjid India, ditu.

Pagila, Datuk Patinggi Dr Ahmad Zahid deka ngulu sereta bejadika Program Pekebun Mit Lantang sereta Ngintu Pengerami Mantar Gawai RISDA Sarawak 2025 ti deka diatur di Rumah Guang Latip, Kampung Raeh Baru, Siburan.

Program ke diatur di Rumah Guang Latip ba Kampung Raeh Baru, Siburan dipelaba berengkah pukul 10 pagi lalu abis pukul 1 ngalih ari, ngelai penemuai gawa iya ngagai Sarawak sekali tu tembu. -EDISI UKAS