KUCHING: Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg udah datai ngemataka Pengawa Nyiri Raban Kaunsil Dewan Bandaraya Kuching Utara (DBKU) bagi penggal 1 April 2025 nyentuk 31 Mac 2028 di Kunsil Nengeri (DUN) Sarawak ditu, Hari Satu.

Enggau tu, sida deka bejalaika tanggungpengawa nyaup pemansang strategik Bandaraya Kuching Utara.

Sida ke dichiri tu iya nya Luyar Besai Sarawak, Dato Sri Saferi Ali; Sekretari Pekara Wang Sarawak, Dato Sri Dr. Wan Lizozman Wan Omar; Sapit Sekretari Perintah Sarawak (Pengatur Ekonomi enggau Pemansang), Dato Sri Dr Muhammad Abdullah Zaidel, Direktor Opis Tanah enggau Survei Sarawak, Awang Zamhari Awang Mahmood; Direktor Opis Kereja Raya Sarawak, Adj. Prof. Ir. Ts. Gs. Br. PMr. Dr. Cassidy Morris enggau Sih Hua Tong, Ir.Talhah@Talha Affendi, Abdul Baderi Sahmat, Iskandar Sharkawi sereta Abdul Adzim Adzmi Abdul Rahman.

Tanggpengawa sida bela nyadi jematan rayat enggau pengatur mengeri, ngelangkar polisi sereta nentuka rayat bela ampit ba pemansang infrastruktur enggau sosioekonomi mengeri tu.

Bela datai ngemata pengawa nya Sapit Premier Sarawak, Datuk Amar Profesor Dr Sim Kui Hian enggau Sekretari Perintah Sarawak, Datuk Amar Mohamad Abu Bakar Marzuki sereta bala Sapit Menteri.-EDISI UKAS