KUCHING: Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar nerima penemuai basa ari Undang Luak Johol Dato’ Johan Pahlawan Lela Perkasa Sitiawan Dato’ Muhammed Abdullah di Astana Negeri ditu, Hari Empat.

Penemuai basa nya dikena bekelala pemesai enggau pangan diri bepun ari Tun Pehin Sri Dr Wan Juanaidi udah diangkat nyadi Yang di-Pertua Negeri Sarawak kena 26 Januari taun tu.

Dato’ Johan Pahlawan Lela Perkasa Sitiawan enggau bini, Tok Puan Faridah Hanom Jaafar dipadahka datai di Kuching Hari Tiga tu tadi.

Yang Teramat Mulia Tuanku Dato' Undang Luak Johol tu Pemerintah tauka Raja bepelasarka Pekara 160 (2) Konstitusyen Perintah Besai senentang reti 'Raja' ba Nengeri Sembilan Darul Khusus enggau Pembesar Memerintah bagi Luak Johol.

Luak (Nengeri) Johol sebagi ari Luak numbuhka Negeri Sembilan.

Gela Tuanku Dato' Undang Luak Johol iya nya Kebawah Kaus Yang Teramat Mulia Dato' Johan Pahlawan Lela Perkasa Sitiawan. 

Gela nya berengkah dikena Dato' Undang Luak Johol ti keterubah iya nya siku indu ke begela Puteri Kanun tauka Puteri Sitiawan ti merintah kenyau ari taun 1723. -EDISI UKAS