KUCHING: Projek Sistem Pengangkut Mengeri Kuching (KUTS) Renggat Keterubah diatu udah digaga 29.89 peratus naka April 2025.

Sapit Menteri Pengangkut Sarawak, Datuk Dr Jerip Susil madah, KUTS Renggat Keterubah deka diatur berenggat, sebagi ari renggat nya mungkur jalai ari Rembus ngagai Riveria disadang berengkah suku keempat taun 2026.

“Tu laun agi ari timpuh asal ketegal bisi penanggul ba pengawa ngaga jalai,” ku iya maya nimbal tanya ba Aum Kunsil Nengeri (DUN) Sarawak Ke-19, Hari Dua.

Nambah ke jaku iya, Datuk Dr Jerip Susil madah, semua operasyen projek KUTS Renggat Keterubah disadang deka berengkah taun 2028

Renggat keterubah projek nya ngaga sistem Autonomous Rapit Transit (ART) nyengkaum jalai urung 69.9 kilometer pemanjai iya nya tiga jalai besai enggau 31 stesyen diperambu deka digaga.-EDISI UKAS