KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi datai ngulu pengerami nikah anak Sapit Menteri Perambu Mengeri, Atur Tanah enggau Rampa Menua, Datuk Len Talif Salleh enggau bini, Datin Asiah Awai ke diatur ba Kuching, lemai Hari Lima tu tadi.

Pangantin, Wan Abdullah Fahmi, 29, enggau Nur Baizura, 29, udah nikah ba siti pengerami akad nikah kena pagi Hari Lima, 2 Mei 2025, digulu diri sebilik sereta kaban belayan.

Wan Abdullah Fahmi anak Ex Kaban Kunsil Nengeri (ADUN) Sadong Jaya, Dato Wan Abdul Wahab Wan Sanusi engau bini, Datin Jeliah Abo Bakar.

Pengerami nya bela richah enggau penatai temuai ke dipebasa, Yang di-Pertua Dewan Negara, Senator Dato’ Awang Bemee Awang Ali Basah; Menteri Dagang Temuai, Industri Kreatif enggau Seni Pemerindang Sarawak, Dato Sri Abdul Karim Rahman Hamzah; Menteri Utiliti enggau Telekomunikasyen Sarawak, Dato Sri Julaihi Narawi; Sapit Menteri ba Opis Premier Sarawak (Pekara Korporat, Pemadah enggau Unit Komunikasi Awam Sarawak), Datuk Abdullah Saidol sereta temuai dipebasa ke bukai.

Pengawa ‘merenjis’ dipunka Tun Pehin Sri Dr. Wan Junaidi enggau Toh Puan Fauziah, lalu ditangkan kededua apai indai pengantin.

Pengerami nya mega diperindang artis menua ditu, Hafiz Suip enggau Firdaus Materang ke merindang bala temuai enggau lagu ti chukup romantis.-EDISI UKAS