BALEH: Kaban Kunsil Nengeri (ADUN) Baleh, Nicholas Kudi Jantai deka meri agih belanja RM35,000 ungkup rumah panjai di Sungai Kain, ditu.

Tu nyengkaum RM20,000 diagih ungkup Komiti Pemansang enggau Pengelikun Genturung Pendiau (JKKK) Rumah Garie Timbang, Nanga Sempang, Sungai Kain.

Tiap lima buah panjai di menua nya bela nerima pemeri RM3,000 dikena nyaup ngatur program enggau inisiatif Biro Indu sida nyengkaum Rumah James (Nanga Sepetai), Rumah Bajai (Nanga Kain), Rumah Cherry Mudan (Nanga Senyar), Rumah Jampang (Nanga Anchau) enggau Rumah Ensong (Batu Babi).

Nicholas Kudi madah, tuju pemeri nya dikena iya nyaup ngenegap tanggungpengawa Biro Indu rumah panjai sereta nentuka menua pesisir bela mansang.-EDISI UKAS