BELAGA: Randau begulai enggau Ahli Dewan Negara, Senator Michael Mujah Lihan enggau Komiti Besai Komunikasyen enggau Multimedia Malaysia (MCMC) Bagi Menua Bintulu di SMK Bakun, Sungai Asap kena Hari Enam udah berandau ke isu servis telekomunikasyen ba sitak nya.

Sesyen mungkur 35 penyereta ti ngaul tuai lokal enggau pengari serikat telekomunikasyen.

Entara isu dibantai nyengkaum peminta ngemanah arus penyambung enggau pemansang infrastruktur gentian optik.

Senator Michael Mujah ngarapka sesyen randau baka tu ulih ditampung dudi hari nyadi inisiatif begulai ngemanah fasiliti beguna ungkup rayat Sungai Asap.

Muak ke lemai, iya mega ngabas taba ngemanah infrastruktur telekomunikasyen di Uma Lahanan enggau Palan Ngerembai Penerang Nasional (NADI) Sungai Asap.-EDISI UKAS