MUKAH: Yang di-Pertua Negeri Sarawak, Tun Pehin Sri Dr Wan Junaidi udah datai ngerichah Pengerami ‘Keman’ Kaul Mukah 2025, kena Hari Minggu.

Penatai iya begulai enggau bini, Toh Puan Datuk Patinggi Fauziah Mohd Sanusi pukul 10.35 pagi diambat Sapit Menteri Ekonomi, Dato Hanifah Hajar Taib enggau Kaban Kunsil Nengeri (ADUN) Tellian, Royston Valentine.

Tun Pehin Sri Dr Wan Junaidi ti disempulang Menteri di Opis Premier Sarawak, Dato Sri John Sikie Tayai diambat enggau richah nengah pemerindang tanda Raban Bansa Melanau sebdau ngaul komuniti ti datai ba Taba Kaul, Pantai Kala Dana.

Sama datai, Sapit Menteri Perambu Mengeri, Pengatur Tanah enggau Rampa Menua Sarawak, Datuk Len Talif Salleh; Sapit Menteri di Opis Premier Sarawak (Penyeraris Projek Ungkup Agensi Pemansang Kandang Menua, DBKU enggau Pekara Islam), Datuk Dr Abdul Rahman Junaidi, Kaban Parlimen Igan, Ahmad Johnie Zawawi enggau Residen Bagi Menua Mukah, Datu Kueh Lei Poh.

Pejalai iya enggau temuai dipebasa bukai mega diiring ‘Seraheng’ ti nyadi identiti besai reti ba Pengerami Kaul.

‘Keman’ ti mai reti makai, engkeman enggau juluk ngatur pengerami tu ngambi serumpu makai tauka ‘berambeh’ entara tuai Sarawak enggau mensia mayuh kelebih agi peranak di Mukah.

Ba pengerami nya, Tun Pehin Sri turut mega nyuaka perais ngagai bala pemenang Pekit Bansal Komuniti Kaul Mukah 2025 sebedau ngelawa bansal komuniti enggau reruai pemandang ke bisi di Taba Kaul Mukah. -EDISI UKAS