KUCHING: Lapan buah sekula di Sarawak deka disengkaum ba projek ngadu enggau ngemanah baru ke diungkup enggau belanja RM5 juta sebuah sekula nitih ke pematut.

Menteri Pelajar, Inovasyen enggau Pemansang Pengelandik Sarawak, Dato Sri Roland Sagah Wee Inn madah, sekula tu iya nya Sekula Sekondri (SMK) Agama, Sibu, Sekula Primari (SK) Batu Lintang, Sri Aman, SK Muhibbah, Kuching, SK Sungai Bulu Senangeh, Asajaya, SK Gumpey, Gedong, SK Pelaman Sidunuk, Serian, SK Patung, Serian enggau SK Rambungan, Lundu.

"Berengkah ari 13 ngagai 16 Mei pengari ari unit pengatur Opis Menteri Besai, Opis Pelajar Nengeri Sarawak (JPNS), Opis Kereja Raya (JKR) Sarawak sereta agensi bekaul benung ngabas lapan buah sekula nya," ku iya madah.

Iya bejaku munyi nya maya nyimpul penerang ari opis menteri iya ba Aum Kunsil Nengeri (DUN) Sarawak Ke-19, Hari Satu.

Iya mega madah, belanja projek nya bela udah disediaka. -EDISI UKAS