KUCHING: Kelab Pengintu Pengelantang Staf Unit Komunikasi Awam Sarawak (UKAS) ngabas pegawai media ke benung berubat ba Hospital Besai Sarawak (HUS), Hari Dua tu tadi.

Raban Kelab Pengelantang UKAS betuai ke Sapit Menteri ba Opis Premier Sarawak (Pekara Korporat, Pemadah enggau UKAS), Datuk Abdullah Saidol.

Sama datai nyempulang iya, Direktor UKAS, Awang Putrayusrie Awang Redzuan sereta Kaban Komiti Kelab.

Kelimpah ari nya, Kelab Pengintu Pengelantang Staf UKAS mega meri bakul pemakai nyadi kelai sukung.

Pengawa tu sebagi ari inisiatif kelab ti mandangka penyiru enggau sukung moral ngagai raban media.

Seraya berandau nanya ka berita, Datuk Abdullah bela meri jaku peransang ngagai pegawai media nya. -EDISI UKAS