KUCHING: Yang di-Pertua Negeri Sarawak Tun Pehin Sri Dr Wan Junaidi Tuanku Jaafar enggau bini, Toh Puan Datuk Patinggi Fauziah Mohd Sanusi datai ngerichah Pengerami Ramah Tamah Aidilfitri ti diatur Opis Menteri Pengeraja Asal enggau Pemansang Mengeri Sarawak (MUDENR) begulai enggau Opis Menteri Dagang Antarabansa, Industri enggau Meranak Puku Sarawak (MINTRED).

Pengerami nya diatur ba sebuah hotel tebilang ditu, kena Hari Dua.

Penatai iya enggau bini urung jam 8.10 lemai disambut Sapit Premier Sarawak, Datuk Amar Awang Tengah Ali Hasan, Sapit Premier Sarawak Datuk Amar Profesor Dr Sim Kui Hian enggau Speaker Kunsil Nengeri (DUN) Sarawak Tan Sri Datuk Amar Mohamad Asfia Awang Nasar.

Sama datai, Sapit Menteri MINTRED Datuk Dr Malcolm Mussen Lamoh, Sapit Menteri MUDENR Datuk Len Talif Salleh, raban Sapit Menteri Sarawak, raban tuai opis perintah sereta temuai dipebasa ke bukai.

Pengerami nya dipun enggau tanda tradisional Melayu lalu ditangkan enggau makai lemai.

Penatai penyanyi tebilang Sarawak, Bob Yusof mai beberapa buah lagu ngerichahka agi pengerami nya.

Tun Pehin Sri Dr Wan Junaidi enggau bini mulai ke diri urung jam 9.30 malam. -EDISI UKAS