KUALA LUMPUR: Pemidang ex-Menteri Besai kelima, Tun Abdullah Ahmad Badawi pengelenyau ke chukup berega ti udah mai mayuh pemansang modal mensia di menua tu nyentuk diberi gela Apai Pemansang Modal Mensia.

Niang, 85, suah agi dikangau enggau nama Pak Lah, tebilang enggau pengulih nengkebang siti konsep berunding ti ngemeranka pekara modal mensia ke nyadi pelasar pemujur rebak dudi hari.

Niang mai imej tuai Islam endang ditemu ngembuan penemu deka meda rayat disikap enggau ulah manah nyengkaum bepelajar ti nentuka pemujur pemansang menua tebilang.

Enam taun megai menua tu berengkah ari 31 Oktober 2003, niang mega numbuh lima batang pekara ba perintah iya nya Misi Nasional, Pelin Integriti Nasional, Pemansang Koridor Ekonomi, Pemansang Modal Mensia enggau konsep Islam Hadhari.

Ada kena 26 Nov 1939 di Bayan Lepas, Pulau Pinang, niang keterubah belajar ba Sekula Melayu Permatang Bertam, Pulau Pinang sebedau nampung pelajar sekondri ba Sekula Tinggi Bukit Mertajam, Sekula Sekondri Daeratul Maarifil Al-Wataniah enggau Sekula Lelaki Methodist Pulau Pinang.-BERNAMA