KUCHING: Stesyen Radio KUPIKUPI FM Sarawak udah ngatur penemuai basa ngagai Direktor Unit Komunikasi Awam Sarawak (UKAS) Awang Putrayusrie Awang Redzuan ba Indu Opis UKAS, Bangunan Baitul Makmur ditu, Hari Tiga ba tuju ngenegapka kaul strategik.

Deligit KUPIKUPI FM Sarawak ti betuai ke Menijar Program, Gideon Jute madahka pengeransing sida deka majak nyukung inisiatif Perintah Sarawak ba pengawa ngerembaika penerang ungkup rakyat nengah radio enggau media digital sida.

Ba penemuai nya, bela dirandau bekaul pengelebih media ngenataika polisi perintah enggau program pemansang nengeri.

Berebak enggau nya, Awang Putrayusrie nyemetak madah ke pemesai reti kerejasama media enggau agensi perintah dikena nentuka penerang senentang inisiatif Perintah Sarawak ulih dikenataika enggau efektif sereta silik.

Iya mega madah, UKAS deka terus nyukung KUPIKUPI FM Sarawak ba pengawa mantaika pemansang nengeri, budaya, pesaka, lumba enggau macham inisiatif perintah nengah radio sereta program bukai.

Sama datai maya nya, raban Tuai Penulung Direktor UKAS sereta raban pegawai KUPIKUPI FM Sarawak.-EDISI UKAS