KUCHING: Siti monumen Kilometer Kusung tauka 0 KM deka didirika di Kuching lalu nyadi kelai baru mengeri besai tu.

Struktur dua meter tinggi enggau tiga meter pemesai nya nunda gamal dua iku mayau ke megai pal 0 KM.

Tiga endur deka alai nirika monumen tu iya nya, semak Kort Lama Kuching, semak Jematan Darul Hana enggau semak Jalai Gambier.

Pengawa tu asil ari pemeri gerempung Juruukur Diraja Malaysia serimbai ngintu genap taun ke-50 gerempung nya lalu disadang digaga taun tu pengudah langkar enggau nalan dipilih begulai enggau DBKU.

Pengerami bejadika kelai 0 KM nya dipenyadi Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Abang Openg ba Pengerami Gala RISM Ke-50 di Palan Konvensyen Borneo Kuching, Hari Empat. 

Ke penemu mayuh, monumen 0 KM ngelaika endur tauka asal sekeda pekara, suah digaga di indu mengeri, ari takah disukat suah agi ari pos opis.-EDISI UKAS