SEBUYAU: Sarawak enda niki ke tarif kuasa karan baka ti dipadah Tenaga Nasional Berhad (TNB).

Menteri Utiliti enggau Telekomunikasyen Sarawak, Dato Sri Julaihi Narawi madah, ke rikod tarif ungkup kuasa karan enggau ai nya di baruh bidang kuasa Perintah Sarawak.

Tambah mega ku iya, Perintah Sarawak nadai perambu niki ke tikas tarif ke bisi diatu.

Iya madah munyi nua maya dirandau pemberita pengudah solat sunat Aidilfitri di Masjid Darul Aman Sebangan kena Hari Satu.

Ba bulan Disember tu tadi, TNB udah nerang ke tarif kuasa karan ditiki 14 peratus ungkup timpuh taun 2025 ngagai 2027.

TNB madah ke pengawa niki ke tarif patut dikena nangkup ungkus operasyen enggau pemansang infrastruktur.-EDISI UKAS