BELAWAI: Kimpin Pengelikun Jalai Alun beserimbai enggau pengerami Hari Raya Aidilfitri udah diatur ba Laman Rumah Belelak Perintah Pelilih Tanjung Manis ditu, kena Hari Enam tu tadi.

Kaban Parlimen Tanjung Manis, Ir. Yusuf Abdul Wahab madah, tuju kimpin tu dikena nambahka penemu penguna jalai alun senentang pemesai guna deriba bejimat, kelebih agi maya hari besai.

Iya mega mantangka pemesai guna seruran ngadang ba jalai alun dikena nyeliahka sebarang penusah ti tau ngeruga pengaga nyambut Aidilfitri.

Änang ngasuh hari ti kitai gagit begulai enggau diri sebilik nyau nyadi penusah ketegal pengilap diri empu,” ku iya madah ngagai UKAS maya ngulu program nya.

Kelai sukung ngagai kimpin tu, iya nyuaka goodies ngagai 100 iku penerima, nyadi ke pesan pengelikun enggau pengibuh ngagai pengelantang penguna jalai alun.

Iya ngarapka kimpin baka tu ulih ditandu ngambi ke ulih nerenak penemu ngagai raban komuniti, lalu nentuka pejalai pulai ke menua likun sereta lanchar.

Sama datai Pegawai Pelilih Tanjung Manis, Ismail Kasah.-EDISI UKAS