KAPIT: Kaban Kunsil Nengeri (ADUN) Baleh, Nicholas Kudi Jantai datai ngulu pengawa bejadika Bengkel Ngaga Kain Buri ba Dewan Suarah Kapit, Hari Enam.

Ba jaku iya, iya meri pengaga ati ngagai semua penyereta seraya nyemetak madah ke program nya amat beguna laban meri awak ngagai sida belajar ke chara ngaga kain buri enggau manah agi.

Ku iya, program tu mandangka penau raban indu di Kapit ba senentang ngaga kain buri.

Ba ujung jaku iya, iya arap bengkel bakanya ulih ditandu dudi hari dikena nyidi enggau ngansah penau raban nembiak ke bisi pengerindu dalam pengawa nya.- EDISI UKAS