KUCHING: Budi ex Yang di-Pertua Negeri Sarawak, niang Tun Pehin Sri Abdul Taib Mahmud ngagai pemansang ke nyadi di Sarawak deka nyadi peransang ngagai rebak dudi.

Sapit Premier Sarawak Datuk Amar Douglas Uggah Embas madah, niang ngatur Sarawak nuju pemansang ngelawa tikas ke tinggi agi ti nyadika kelai pemujur pegai tuai transformatif.

"Pegai perintah niang nyadi pengandal enggau peransang ngagai rebak dudi.

"Semua pengawa enggau budi niang, aku ngenataika jaku terima kasih ngagai niang Tun Pehin Sri Abdul Taib Mahmud," ku iya madah.

Iya bejaku munyi nya ba Aum Kunsil Nengeri (DUN) Sarawak Ke-19, Hari Tiga.

Datuk Amar Douglas Uggah mega madah, maya pegai niang suba, niang mujur mai Sarawak datai ba tikas ke tinggi nyadi hab industri ti mansang lalu ngangkatka pengidup rayat di menua pesisir. -EDISI UKAS