KUCHING: Astana Nengeri Sarawak udah ngatur pengerami ‘Besungkei 1446H/2025M’ di Surau Astana Nengeri Sarawak begulai enggau Tuai Komuniti Sitak Kunsil Nengeri (DUN) Demak Laut, Hari Satu tu tadi.

Temuai dipebasa ke bisi datai iya nya, Sapit Menteri Kuasa enggau Pemeruan Rampa Menua Sarawak, Datuk Dr. Hazland Abang Hipni enggau bini iya, Datin Hajah Dayang Halimah Abang Paul.

Sekretari Sulit Kanan Yang di-Pertua Negeri Sarawak, Dato’ Sri Syed Hamzah Syed Paie gagit ati nyambut bala temuai, nyengkaum Direktor Opis Parit enggau Entali Ai Nengeri Sarawak, Datu Ir Ts Ahmad Denney Ahmad Fauzi.

Sepengudah bebuka puasa, bala temuai sembiang Maghrib, Isyak enggau Tarawih bebala mayuh, betuai ke Penulung Kanan Tahfiz Al-Quran, Ustaz Mohd Safwan Mahli Al-Hafiz.

Nangkan ke nya, pengawa ngerikod Tadarus enggau Radio Sarawak FM, ti digulu staf sereta anak staf Astana.

Inisiatif tu ukai semina ngidupka pengawa macha Al-Quran, tang mega mereti lalu ngemeran ke ‘kalam suci’ nya ngagai bala penyereta. – EDISI UKAS