KUCHING: Sapit Menteri Kuasa enggau Pemeruan Rampa Menua Sarawak, Datuk Dr Hazland Abang Hipni ngerami anak patu balu ari Taman Sepakat Jaya, Demak Laut ba siti pengerami Solat Isyak enggau Sembiang Tarawih di Surau Taman Sepakat Jaya, Jalai Bako apin lama tu tadi.

Nyadi ke tanda pengasih iya ngagai pengelantang anak patu balu, iya nyua ke duit enggau pemeri baju Melayu ngagai 14 anak patu balu.

Kaban Kunsil Nengeri (ADUN) Demak Laut ngarap ke bantu nya ulih meri pengaga ati ngagai sida.

"Program Pemeri ngagai anak patu balu tu deka ditandu ngagai genturung pendiau bukai ti semak kandang menua Demak Laut sepemanjai bulan Ramadan ti berekat tu,” ku iya.

Nambah ke jaku iya, program nya mega bela ngatur sembiang bebala mayuh ti nyengkaum sembiang Maghrib, Isyak enggau Tarawih - EDISI UKAS