SIBU: Program Ketuk Sahur Sitak Kunsil Nengeri (DUN) Nangka ditandu ba hari kesemilan Ramadan enggau tuju nyapai juluk ngusung 250 iti rumah ba 10 endur ti udah dikelala.

Kena Hari Satu tu tadi, raban ti betuai ke Sapit Menteri Pelajar, Inovasyen enggau Pemansang Penau Sarawak ke mega ADUN Nangka, Datuk Dr Annuar Rapa'ee udah ngusung 25 iti da rumah di Kampung Hilir ke nerima pemeri pemakai.

Bala sida mega bisi ngelawa D' Simpang Tiga Café, besahur begulai enggau peranak genturung pendiau ti bekaul.

Program ikonik nya nyadi pelasar ngerapitka agi kaul bala tuai enggau rayat laban bela digulu raban nembiak enggau orang tuai.

Kelimpah ari nya, pengawa nya meri awak ngagai Datuk Dr Annuar betemu enggau rayat sereta ngabas kandang menua pegai iya. - EDISI UKAS