LAWAS: Pengerami Ngintu Hari Radio sedunya 2025 Zon Borneo udah tembu diatur lemai Hari Enam tu tadi ke digulu 450 iku bala mayuh ba Stadium Betutup Lawas.

Pengawa nutup program RTM Sarawak, RTM Sabah enggau RTM Wilayah Persekutuan Labuan nya dipenyadika Ahli Parlimen Lawas Dato Henry Sum Agong.

“Program tu nyadika kelai pemanah kerejasama entara kitai seraya kitai ngangkat agi nama Lawas ngambika terang dikelala menua bukai.

“Kelimpah ari nya enggau chara tu, sida ke datai ari menua bukai ulih ngelala agi bansa ke bisi ba Lawas.”

“Aku ngarapka penatai tu ukai kepenudi lalu ti nyema bisi program bukai ila tau diatur baru di Lawas ditu,” ku iya.

Sama bisi datai maya nya Direktor Opis Penabur Sarawak Wan Azhan Wan Hamat, Direktor Opis Penabur Sabah Mohd Yusni Mohamed enggau Sapit Direktor Opis Penabur Wilayah Persekutuan Labuan Howard Martin Sung@ Cornelius. - EDISI UKAS