KUCHING: Pemeras ex Yang di-Pertua Negeri Sarawak, niang Tun Pehin Sri Abdul Taib Mahmud mai pemansang ditampung tuai maya hari tu ti betuaika Premier Sarawak Datuk Patinggi Tan Sri (Dr) Abang Abdul Rahman Zohari Tun Datuk Openg.
Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar madah, niang Tun Pehin Sri Abdul Taib udah nempa Sarawak moden sekumbang 33 taun nyadi Kepala Menteri enggau 10 taun nyadi Yang di-Pertua Negeri Sarawak.
"Ari pegai niang Tun Pehin Sri Abdul Taib, tikas ekonomi enggau pengidup rayat disungkakka.
"Sarawak diatu nyadi 'wilayah' ti progresif enggau ekonomi bepelasarka teknologi sereta disikap enggau macham infrastruktur moden," ku iya madah.
Iya bejaku munyi nya maya Adat Mungkal Aum Keterubah bagi Penggal Ketiga Aum Kunsil Nengeri (DUN) Sarawak Ke-19, Hari Satu.
Iya mega madahka pemidang niang Tun Pehin Sri Abdul Taib siti pengelenyau pemadu besai ngagai Sarawak.
Nya alai, ku iya, pengawa ke udah dikereja niang semampai dikenang rayat Sarawak lalu pia mega ba raban tuai ngatur nengeri maya hari tu. -EDISI UKAS
