MIRI: Pengerami Taun Baru China 2025 ditu richah enggau penatai Yang Di-Pertua Negeri Sarawak, Tun Pehin Sri Dr. Wan Junaidi Tuanku Jaafar sereta bini Toh Puan Datuk Patinggi Fauziah Mohd Sanusi, ti bela begulai enggau bala mayuh ba Grand Chinese New Year Celebration Banquet Dinner 2025 – Unity Night, Hari Satu.

Diatur di Grand Ballroom, Eastwood Valley Golf & Country Club, makai lemai nya diatur The Federation of Chinese Associations Miri Division lalu digulu lebih 620 temuai.

Bela datai Menteri Dagang Temuai, Industri Kreatif enggau Seni Pemerindang Dato Sri Abdul Karim Rahman Hamzah enggau Menteri Pengangkut Dato Sri Lee Kim Shin.

Dato Sri Lee ba jaku iya ngenataika basa ngagai komuniti China ketegal mantu program pemansang Sarawak alai penyerakup rayat pupu bansa di nengeri tu nyadi tiang penegap Sarawak.

“Sarawak chunto penyerakup, pengerami tu ukai semina ngerapitka kaul antara pupu bansa, tang ngenegap semengat segulai enggau pangan diri, " ku iya.-EDISI UKAS