KUANTAN: Yang di-Pertua Negeri Sarawak Tun Pehin Sri Dr. Wan Junaidi Tuanku Jaafar sereta bini Toh Puan Datuk Patinggi Fauziah Mohd Sanusi udah betemu enggau Kebawah Duli Paduka Baginda (KDPB) Sultan Pahang, Al-Sultan Abdullah Ri’ayatuddin Al-Mustafa Billah Shah di Istana Abdul Aziz, Indera Mahkota ditu, Hari Dua.

Pengawa nya bela dirami Ke Bawah Duli Paduka Mulia Tengku Mahkota Pahang Tengku Hassanal Ibrahim Alam Shah, Yang Amat Mulia Tengku Panglima Raja Tengku Amir Nasser Ibrahim Shah, Yang Amat Mulia Tengku Panglima Perang Tengku Ahmad Ismail Mu’adzam Shah enggau Yang Amat Mulia Tengku Puteri Raja Tengku Puteri Ilisha Ameera.

Bela datai Yang Hormat Mulia Che Puan Panglima Raja Puteri Hajah Suraiya Afzan Dato’ Indera Haji Mohamed Moiz sereta Menteri Besai Pahang, Dato’ Sri Wan Rosdy Wan Ismail.

Ba pengawa nya, mayuh bengkah pekara dirandau nyengkaum kerejasama ti tau mai penguntung ngagai kededua nengeri.

Penemuai nya diatur sepengelama sejam lalu semua temuai dinah ba Majlis Santapan ngalih hari.

Tun Pehin Sri Dr. Wan Junaidi meri pengaga ati sereta basa lalu ngarapka Al-Sultan Abdullah sebilik diberi pengerai ti manah lalu Pahang deka terus mansang enggau lantang.

Foto: Astana Negeri Sarawak