KUCHING: Unit Transformasyen enggau Inovasyen Sarawak (STIU) udah ngatur woksyop nentu enggau nyerenih tikas gawa Servis Kereja Perintah Sarawak (PANS) kena 5 enggau 6 Februari 2025.

Pengawa nya digulu 25 pegawai ari Opis Sekretari Pekara Wang Nengeri, Jabatan Perbendaharaan Sarawak, Unit Pengatur enggau Pemansang Orang Gawa, Unit Audit Dalam enggau Unit Digitalisasyen Servis Kerja Perintah Sarawak ba sebuah hotel ditu.

Sama bela datai maya nya Direktor STIU, Superi Awang Said sereta pegawai kanan STIU kebukai.

Tuju program nya diatur dikena nyerenih tikas pengatur pemanah gawa agensi PANS enggau Pelin Pemansang Udah COVID-19 (PCDS) 2030, Sustainable Development Goals (SDGs), Sarawak Digital Economy Blueprint (SDEB) enggau Pelin Strategik Agensi ngambi ke ulih digaga enggau berurun sereta relevan.

Superi ba jaku iya madah ke pemesai tuju program nya diatur dikena negapka agi Strategic Objectives (SO) enggau Key Performance Index (KPI) nentuka lebih agi efektif sereta relevan nentuka tikas pemanah gawa servis kereja perintah tetitihka pemansang perintah, netapka atur SO, KPI enggau Weightage Distribution ke digaga PANS nyengkaum Opis Bekuasa Menua enggau Badan Berkanun Negeri sebedau tauka ba Suku Keterubah taun 2025. - EDISI UKAS