PADAWAN: Perintah Sarawak ransing nentuka bantu diagih enggau jampat ngagai orang tasah bah.

Sapit Menteri Pengangkut Sarawak Datuk Dr Jerip Susil madah, perintah meretika pemerinsa rayat ti napi penusah ampuh bah alai bantu baka pemakai deka diagih enggau jampat.

"Kelimpah ari nya, perintah mega deka ngaga baru semua infrastruktur ti jai ketegal penusah," ku iya.

Iya mansutka jaku nya maya datai nyuaka bantu pemakai ngagai peranak Kampung Biya Assum ti dituntung penusah tanah tusur kena 28 Januari ti udah, Hari Satu.

Datuk Dr Jerip ke mega Kaban Kunsil Nengeri (ADUN) Mambong nandu, perintah nengeri diatu benung ngelakar pelin timpuh panjai ungkup pengawa nyendia infrastruktur ti engkeman di kandang menua pesisir. -EDISI UKAS