KUCHING: Raptai Adat Mungkal Penggal Ketiga Aum Kunsil Nengeri (DUN) Sarawak Ke-19 udah diatur enggau mujur.
Pengawa nya bela digulu Speaker DUN Sarawak Tan Sri Datuk Amar Mohamad Asfia Awang Nassar ditu, Hari Lima.
Maya nya, iya datai meda pemujur nyikap 'kawalan kehormatan' sebedau deka diatur maya hari nyadi, kenaka 6 Mei tu ila.
Pengawa nya dipadahka dikemujur 105 iku raban nyengkaum tiga pegawai enggau 102 raban pangkat bukai datai ari Pasukan Gerakan Am (PGA) enggau Polis Diraja Malaysia (PDRM) ti betuaika Pegawai Panji Inspektor James Rodney enggau Deputi Superintenden Polis (DSP) Jiffry Ardin.
'Kawalan Kehormatan Utama' nya disempulang Pancaragam PDRM betubuh 40 iku betuaika Pengarah Pancaragam Inspektor Frankie Billy.
Bela bisi datai ngabas maya nya Sapit Sekretari Perintah Sarawak (Operasyen) Datu Hii Chang Kee enggau Direktor Unit Protokol, Adat enggau Pengatur Program Sarawak (UPPAN) Hamdan Sharbini. -EDISI UKAS
