TATAU: Tim Gerakan Udara (PGU) Polis Diraja Malaysia (PDRM) bisi nganjung bantu pemakai ngagai kandang menua di ulu Tatau.

Berengkah 30 Januari ngagai 1 Februari 2025, penyampau 7,293 kilogram tauka 663 bungkus pemakai udah dianjung ngagai kandang menua Nanga Tau enggau Penyarai ti dituntung penusah ampuh bah.

Nitihka penerang Pegawai Tadbir Pelilih Tatau, Raden Azamry Raden Perhan, pengawa nganjung bantu pemakai nya dikena nentuka rayat di menua ulu bela nerima bantu.

Bantu pemakai mega dianjung ngagai Kakus, Ulu Anap, Kem Gabong enggau Long Beyak.

Pemakai mega dianjung nengah darat sereta sungai, ti dikemujur nengah kerejasama Opis Pengintu Pengelantang Pendiau, Opis Pelilih Tatau, Opis Polis Pelilih Tatau, Opis Pelajar Pelilih Tatau, Lembaga Kemajuan Bintulu enggau Angkatan Pertahanan Awam Malaysia.-EDISI UKAS