SRI AMAN: Penusah ampuh bah di kandang menua Pantu bela ngujungka Jematan Batang Seterap ampuh lalu enda ulih ditengah perengka pengangkut.

Sapit Menteri Dagang Temuai, Industri Kreatif Enggau Seni Pemerindang Sarawak Datuk Snowdan Lawan madah, penusah nya mega ngujungka rayat tusah ngulihka barang ke diguna bukai nyengkaum servis maya betapi enggau penusah ngenyit.

Ku iya ke mega Kaban Kunsil Nengeri (ADUN) Balai Ringin pengawa agensi perintah ti nganjung bantu pemakai mega bela tejanggal.

"Opis Pengintu Pengelantang Pendiau(JKM), Opis Pelilih Pantu begulai enggau Opis Bomba sedia nganjung bantu pemakai enggau bantu bukai pengudah penanggul ti diputar," ku iya maya ngabas jematan nya Hari Lima. -EDISI UKAS