DOHA: Malaysia enggau Qatar negap kaul diplomatik nengah kerejasama rat antara Parlimen kededua menua sereta netapka penemu ba isu serantau, nyengkaum Palestin.

Yang di-Pertua Dewan Negara, Senator Dato Awang Bemee Awang Ali Basah, nguluka raban Parlimen Malaysia ba penemuai basa ngagai Menteri Besai ke mega Menteri Luar Qatar, Sheikh Mohammad Abdulrahman Jassim Al Thani, Hari Tiga.

Ba penemuai nya, iya madah pemerat ngerembai kerejasama Parlimen, kelebih agi ba atur bekunsi penerang, chara kereja manah sereta sempekat ba renggat menua enggau antarabangsa.

Seriris enggau penuduk Malaysia nyadi Chairman Persatuan Negara-Negara Asia Tenggara (ASEAN) 2025, iya mega ngarap kaul Malaysia-Qatar ulih dikerembai ba Majlis Kerjasama Negara-Negara Arab Teluk (AGCC).

Kelimpah ari nya, Malaysia mega ngenatai jaku puji ngagai Qatar ti udah mantu ngetuka perang di Gaza, Palestin.

Kededua menua setuju terus nyukung Palestin sereta ngatur forum antarabangsa ngambika Timur Tengah likun sereta selamat.

Penemuai nya diadu berengkah ari 26 nyentuk 30 Januari, negapka agi kerejasama Parlimen sereta nempa kaul dinamik antara Kuala Lumpur enggau Doha.

Bela nyempulang penemuai nya Kaban Dewan Negara, Tan Sri Datuk Seri Panglima Anifah Aman enggau Pele Peter Tinggom.-EDISI UKAS