BETONG: Perintah Sarawak merambu numbuhka sekula gempuru di menua pesisir dikena mutar isu sekula mimit nembiak.

Sapit Menteri Pemansang Orang Indu Enggau Pengelantang Komuniti Datuk Mohammad Razi Sitam madah, ketegal mayuh peranak menua pesisir mindah ngagai kandang mengeri, penyampau nembiak sekula ba menua pesisir majak kurang.

“Dikena mutarka penanggul tu, perintah merambu numbuhka sekula begempuru ti bisi digaga buding.

“Enti bisi sekula baka tu, kitai ulih ngatur pelin pemansang pelajar sistematik agi.

“Chara tu ulih nentuka nembiak diberi pelajar ti bekualiti, " ku iya ba Pengerami Apresiasyen enggau Anugerah Nyulut Pelajar SK Serembang 2024/2025' di Spaoh, empai lama tu tadi.

Iya ke mega Kaban Kunsil Nengeri (ADUN) Saribas nandu, kelas Tabika SK Tanjung Assam udah ditutup ketegal enda chukup nembiak.

Ku iya, pekara nya balat ngasuh rayat ba kandang ngelingi Saribas irau ketegal dipelaba mayuh agi sekula deka ditutup enti majak nadai nembiak.

Ba pengerami nya, Datuk Mohammad Razi meri jamin deka mantu SK Serembang ba pekara infrastruktur sekula enggau peminta bukai. -EDISI UKAS