SINGAPORE: Deligit Sarawak betuai ke Sapit Sekretari Perintah Sarawak (Perambu Ekonomi enggau Pemansang), Dato Sri Dr Muhammad Abdullah Zaidel, ngulu pengawa ngelanchar kereban nguji ngeluar ke karbon dioksida enggau hidrogen ngagai bahan api penerebai meruan (SAF) di Jurong, Singapore begulai enggau Institut Kelestarian untuk Kimia, Tenaga dan Alam Sekitar (ISCE2) sereta IHI Corporation.

Nengah sebengkah penerang sehari tu, pengawa nya mandangka teknologi SAF ti moden enggau bisi pengulih dikena transformatif dalam idar kuasa global.

Nyempulang Sapit Sekretari Perintah Sarawak nya Sekretari Mendam Opis Menteri Kuasa enggau Pemeruan Rampa Menua Sarawak (MEESty), Datu Abg Ahmad Abg Morni, Tuai Unit Kuasa MEESty, Dr. Nurleyna Yunus, Tuai Pegawai Eksekutif Opis Dagang enggau Dagang Temuai Sarawak di Singapore (STATOS), Chew Chang Guan, enggau Tuai Unit Pemansang Korporat enggau Ekonomi MEESty, Dr. Kho Lip Khoon.

“Batang tuju pejalai deligit nya berati ulih tauka enda teknologi ngeluar ke karbon dioksida enggau hidrogen ngagai SAF di Sarawak, enggau ngena manah pemansut ti bisi di kandang menua tu dikena nangkup peminta global ti majak mayuh bekenaka bahan api meruan.

“Pengawa tu mega nyerangkung randau enggau IHI Asia Pacific Pte. Ltd. ungkup pengawa nyerungkai peluang kerejasama enggau meranak puku,” ku iya.

Seraya Dato Sri Dr Muhammad Abdullah madah ke pengulih SAF seriris enggau visyen Sarawak nyungkak ekonomi tumbuh ti meruan sambil ngamatka juluk global ngurangka karbon.

Pengawa bekenaka teknologi SAF deka nambahka pengeransing Sarawak ngagai pemeruan enggau negapka penuduk nyadi pengemudi sektor kuasa gadung, mandangka pengeran nengeri tu nyapai juluk kurang karbon dudi hari. -EDISI UKAS