KUCHING: Yang di-Pertua Negeri Sarawak, Tun Pehin Sri Dr. Wan Junaidi Tuanku Jaafar nerima penemuai basa Yang Amat Mulia Tengku Syarif Laksamana Perlis, Dato’ Seri Diraja Syed Razlan Ibni Almarhum Tuanku Syed Putra Jamalullail ba Astana Negeri Sarawak ditu, Hari Dua.

Penemuai basa nya diatur beserimbai enggau Pengerami Nyua Surat Ngundang ungkup Pengawa Ngintu Jubli Perak Keputeraan Duli Yang Maha Mulia Raja Perlis, Tuanku Syed Sirajuddin Ibni Almarhum Tuanku Syed Putra Jamalullail.

Pengerami ngelai 25 taun baginda megai penuduk nya kena 17 April 2025.

Bela datai Kaban Komiti Aum Perintah Mengeri ke mega Kaban Kunsil Nengeri Kuala Perlis Abu Bakar Hamzah enggau Sapit Sekretari Perintah Perlis (Pemansang) Rusdi Yahya .-EDISI UKAS