KUALA LUMPUR: Sarawak dikeandal nyadi ha bidar kuasa rantau tu nengah pengulih kaul beranak ke puku enggau dagang enggau menua luar.

Menteri Besai Dato’ Seri Anwar Ibrahim madah, siri randau enggau baka tuai dunya nyengkaum Presiden Indonesia enggau Menteri Besai Jipun deka negapka ekonomi kelebih agi dalam bidang digital enggau idar kuasa.

“Presiden Indonesia, Prabowo Subianto deka ngatur randau enggau aku serimbai penemuai gawa iya ti diperati ulih negap kerejasama ekonomi entara Malaysia-Indonesia nyengkaum dalam bidang digital.

“Lalu pagila, Menteri Besai Jipun deka datai ke Malaysia. Kitai deka berandau ke sekeda isu beranakka puku enggau dagang.

“Kitai ngarap ke randau tu deka ngangkatka Malaysia kelebih agi Sarawak nyadi hab kuasa ba rantau tu,” ku iya.

Iya nyebut jaku nya lebuh bejaku ba mua mayuh rambau Forum Ekonomi Malaysia (FEM) 2025 ditu kena Hari Empat.

Sama datai Sapit Menteri Besai Datuk Seri Dr Ahmad Zahid Hamidi, Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg, Menteri Kereja Raya Datuk Seri Alexander Nanta Linggi, bala menteri Kabinet enggau bala temuai dipebasa ke bukai.

Berebak enggau nya, Menteri Besai madah, nyadi tuai rumah ASEAN nya peluang nempa penegap begulai rayat ASEAN enggau mai pemaik ngagai menua tu begulai enggau ke bukai.

“Tu ti diperati ke kitai begulai enggau Menteri Besai Singapore. Iya badu agi ngumbai penegap nya patut di Malaysia lalu ke bukai nya semina diteju tauka di Singapore, Thailand tauka ke bukai dikeluang.

“Tang kitai mega ngiga jalai enggau chara mutar nyengkaum berandauka isu ti meri kitai pemar baka Myanmar. Laban leman dikena nambah penegap ekonomi iya nya pengelikun, penegap politik, polisi ti nyengala, polisi ekonomi ti ulih ngemansang penegap nengah kaul sektor luar enggau penyikar sektor perintah,” ku iya nyemetak.

Seraya Menteri Besai madah ke FEM 2025 meri awak ngagai menua tu meri perati enggau ngelala strategi ba pengawa negapka agi penegap ekonomi menua tu.

Ku iya, peluang ekonomi baru ti patut diserungkai ngasuh Malaysia ngambi enda terus tinggal.

“Taja baka industri semikonduktor di Pulau Pinang nya baka ke lama, tang enti enda sedia nyerungkai bidang baru kitai deka tinggal.
“Kitai patut bisi penegap ti mungkur semua ngambi penegap tu ulih mantu kitai ngangkat semua nya,” ku iya. -EDISI UKAS