KUCHING: UOB Malaysia mengkang ransing nyukung pemansang ekonomi enggau pengerembai industri di Sarawak.
Tuai Pegawai Eksekutif UOB Malaysia Ng Wei Wei madah, sida ngelama tu endang nyukung pemansang infrastruktur Sarawak enggau dagang di menua tu ba tuju nyaup nempa pengelebih ulih besemekih ba tikas global.
Ku iya, ari pengawa nguna pengelandik UOB Malaysia ba pekara pemeruan, sida deka majak nyaup Sarawak bejadika juluk ati nyadi hab ba rantau tu ba pekara kuasa ulih dikena baru enggau hab gadung dalam sektor ke benung mansang.
"Tu mega awak ke manah dikena kami bekunsika chara UOB nyukung Sarawak ba pengerembai ekonomi.
"Sepemanjai tiga taun ke udah, UOB udah nyendia nyauka RM6 bilion belanja ungkup kompeni di Sarawak lalu lebih setengah ari penyampau nya dikena ba Dagang Mit enggau Jelan Pemesai (PKS).
"Aku andal kami ulih nyaup dagang di menua tu lalu mandangka dagang sida mujur ngena digital sereta ngemeranka ulah gadung dudi hari ila.
"Kelimpah ari nya, kami mega udah mayuh meranakka puku, kelai sukung ngagai pemansang infrastruktur di Sarawak," ku iya madah.
Iya bejaku munyi nya maya dirandau media udah ke ngatur penemuai basa ngagai Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg di Wisma Bapa Malaysia ditu, Hari Dua.
Penemuai basa nya kelai kaul UOB Malaysia enggau perintah Sarawak ba pekara nyukung bejadika juluk ati Sarawak ba Pelin Pemansang Udah COVID-19 (PCDS) 2030.
Bela datai, Tuai Pegawai Kelestarian UOB Malaysia, Moreen Joseph.
Premier Sarawak nangkan nya nerima penemuai basa ari Northbank Specialist Hospital Sdn. Bhd. -EDISI UKAS
