KUCHING: Yang Di-Pertua Negeri Sarawak, Tun Dr Wan Junaidi Tuanku Jaafar udah nerima penemuai basa ari Dewan Bahasa Dan Pustaka (DBP) di Astana Negeri Sarawak, Hari Satu.
Penemuai basa nya diuluka Tuai Direktor DBP, Dr Hazami Jahari ti ngembuan tuju nerangka beberapa bengkah program.
Tu nyengkaum ngelaluka penatai Tun Dr Wan Junaidi ngulu beberapa bengkah program ke diatur Dewan Bahasa Dan Pustaka.
"Kitai minta Tun Dr Wan Junaidi datai ngulu Forum Raban Nembiak Tropi Tuan Yang Terutama Renggat Nengeri Sarawak ke deka diatur bulan Jun tu.
"Kitai mega minta iya enggau Toh Puan datai ngulu Pengerami Anugerah Sastera Negeri Sarawak ujung taun tu.
"Kelimpah ari nya, kitai mega ngelalau penatai Tun Dr Wan Junaidi ngulu Syarahan Negarawan di Kuala Lumpur," ku iya.
Iya madahka pekara nya maya dirandau media udah ke ngatur penemuai basa nya.
Iya mega madah, Tun Dr Wan Junaidi enggau bini Toh Puan Fauziah Mohd Sanusi bela besetuju deka datai ba semua program ke diatur sida.-EDISI UKAS
