SIBU: Bulan Sabit Merah Malaysia (BSMM) Pampang Sibu ulih bejalaika pangku pengawa besai matih mensia mayuh pasal pengawa bekenaka kereban Defibrilator Luaran Automatik (AED).
 
Kaban Kunsil Nengeri (ADUN) Bukit Assek Joseph Chieng meri perati ngagai pemesai guna latih ti betul dalam ngena maksimum pengulih ngidupka nyawa nengah AED.
 
"Bisi undang-undang enggau kereban nya nadai mih beguna enti nadai orang ti nemu ngena nya.
 
“Aku pechaya ke Bulan Sabit Merah Malaysia Cabang Sibu ulih nyadi organisasyen ti chukup manah nyendiaka latih chara bekenaka AED,” ku iya lebuh dirandau pemberita ba Pengerami Ngenang Jasa BSMM Pampang Sibu kena Hari Enam.
 
Iya ngenang pekara nya kelai sukung inisiatif pengerao enggau penyelamat ti empai lama tu dibantaika Sapit Premier Datuk Amar Dr. Sim Kui Hian ngambi ngansak AED enda tau enda di baruh Ordinan Bangunan Sarawak 1994 ti deka diubah.
 
Laban penyampau penyakit tungkul atau ti tinggi di Sarawak ku iya, Joseph chukup setuju ke perambu tu enggau pechaya ke BSMM Pampang Sibu ulih bejalaika pangku pengawa besai ba pemujur nya.
 
Kelimpah ari nya, ADUN Bukit Assek ngaku pematut nambahka perengkaguna latih nentuka pelajar ti nyerangkung semua.
 
Nya alai, iya nyukung peminta Chairman BSMM Pampang Sibu Penghulu Chua Hiong Kee ungkup melanja jurulatih AED, ti dipeda engkeman ba maya iya.
 
“Dikena nyendiaka perengkaguna latih ti meruan agi, bepanggai ba skrin mit aja engka enda chukup.
 
“Nya alai, aku mega setuju ke peminta chairman kami melanja jurulatih AED," ku iya.
 
Iya mega nyemetak madah ke empas ti besai agi ari latih baka nya, enggau madah ke nyikap mayuh agi mensia mayuh ngena penemu bekenaka AED ulih nambahka ngesah penusah enggau ngidupka nyawa.
 
Sama datai Penghulu Chua Hiong Kee, Chairman Serakup Bulan Sabit Merah Malaysia, Pampang Sibu, Encik Hii Sieh Toh, Mandal Chairman Serakup Bulan Sabit Merah Malaysia, Pampang Sibu, Hajah Normah Binti Abdul Rahman, Vuce Chairperson Serakup Bulan Sabit Merah Malaysia, Pampang Sibu sereta bala bukai. -EDISI UKAS