KUCHING: Yayasan Ruang Bilik Malaysia meri pemeri ngagai 42 iku nembiak patu balu beserimbai Krismas ke deka datai.

Ex-Menteri Besai Dato’ Sri Ismail Sabri Yaakob madah, pemeri nya bela diberi ngagai 21 ruang bilik ke napi penanggul ketegal pandemik COVID-19.

Ku iya, pemeri nya dikeandal nyaup nembiak ti lenyau apai indai maya pandemik COVID-19 lalu mai pengaga ngagai sida maya Krismas tu.

"Taun tu, Yayasan Ruang Bilik Malaysia milih Sarawak alai ngatur program," ku iya madah ngagai media ditu, Hari Empat.

Penatai iya ke Sarawak mega bela ngatur penemuai basa ngagai Yang di-Pertua Negeri Sarawak, Tun Pehin Sri Dr Wan Junaidi Tuanku Jaafar.

"Tu keterubah aku datai ke Sarawak sepengudah pengawa bepilih suba enggau maya Tun Pehin Sri Dr Wan Junaidi dipadu nyadi Yang di-Pertua Negeri Sarawak ke baru.

"Aku bisi kaul ke manah enggau iya laban maya aku nyadi Menteri Besai suba, iya nyadi Menteri Undang-Undang," ku iya madah. -EDISI UKAS