Pekit Golf Nerenak Semangat Beserakup & Teguh Entara Pupu Bansa
Disiarkan pada 22 Sep 2024
Sumber Berita: UKAS
MIRI: Tanggungpengawa program lumba beguna amat dikena nempa penyerakup enggau semangat komuniti begulai, ku Menteri Industri, Komoditi enggau Pemansang Wilayah Sarawak, Dato Sri Dr. Stephen Rundi Utom.
Ku iya, komuniti meseti terus bekerejasama dikena ngemansang bakat lumba, kelebih agi raban nembiak rebak baru.
Iya madah munyi nya maya ngulu pengerami nyuaka perais Pekit Golf Penyerakup Sarawak 2024 ke diatur ba Eastwood Valley Golf & Country Club Miri di Hotel Imperial Miri ditu, kena Hari Enam tu tadi.
Bisi 211 pemain golf, datai ari enam komuniti besai di Sarawak udah ngambi bagi ba pekit tu mungkur Bidayuh, China, Iban, Melayu, Melanau enggau Orang Ulu dikena ngerebut gelar champion.
Pekit ke diatur Gerempung Orang Ulu Malaysia (Kelab Golf MOUGA) enggau Gerempung GOP KABAN (KGA) udah mujur dipenggi pemain ari komuniti China.
Sama datai, Sapit Menteri di Opis Premier Sarawak (Pengereja Pengawa, Imigresyen, enggau Patau Projek) ke mega Kaban Kunsil Nengeri (ADUN) Mulu, Datuk Gerawat Gala, Presiden Kelab Golf MOUGA, Asan Odau enggau Presiden Gerempung GOP KABAN, Wesley Nompang. – EDISI UKAS
