BETONG: Pengawa besikap bejadi Jematan Batang Saribas 1 disadang Hari Enam tu diatur lanchar.

Dikena nentuka pemujur program nya, Sapit Premier Sarawak Datuk Amar Douglas Uggah Embas bela datai ngabas sereta meresa pengawa besikap kepenudi enggau raptai ba taba program nya, Hari Lima.

Bela datai Kaban Kunsil Nengeri (ADUN) Beting Maro Razaili Gapor, Kaban Parlimen Batang Lupar Mohamad Shafizan Kepli sereta agensi bekaul.

Pengawa bejadi jematan nya disadang dipenyadika Premier Sarawak, Datuk Patinggi Tan Sri (Dr) Abang Abdul Rahman Zohari Tun Datuk Abang Openg.

Ari projek jematan tembu nya, Bagi Menua Betong, lebih agi Saribas deka ngasai transformasyen besai ari aspek pemansang enggau ekonomi ke deka meri empas terus ngagai rayat ditu.

Jematan tu deka mantu mandakka timpuh pejalai peranak menua ari kandang menua tu ngagai Pasar Pusa.

Kelimpah ari nya, peranak menua lebuh dirandau madah ke pengaga ati sida lalu beterima kasih ngagai perintah nengeri ke dipegai Premier Sarawak. - EDISI UKAS