KOTA SAMARAHAN: Majlis Perbandaran Kota Samarahan (MPKS) ngatur Program Beperesa Pengerai & LicAha Pemakai Manah Ke Pengerai ba Bilik Latih MPKS ditu, Hari Lima.
 
Program ti belabuh pukul 8 pagi nyentuk 12 tengah hari nya inisiatif MPKS narak budaya kereja bepengerai ngagai bala staf, kelimpah nambah pengeleda ke pemesai guna nyaga pengerai.
 
Sekretari Perbandaran MPKS, Gustian Durani bela datai ngerichah program ti diatur enggau kerejasama Opis Pengerai Bagi Menua Samarahan.
 
Bela diatur licha pemakai manah ke pengerai ari Pegawai Sains Pemakai ari Klinik Pengerai Asajaya, Constance Geoffrey, ti bekunsi gaya pemakai ti manah diempa ninting hari.
 
Ku Gustian, program nya ukai semina meri peluang ngagai raban staf MPKS beperesa pengerai baka ngabas tikas darah enggau gula aja, tang mega meri penemu senentang pemesai guna pemakai ti manah ke pengerai.
 
“Pengawa baka tu dikearap ulih nyendiaka rampa kereja ti meruan enggau produktif, nipak juluk MPKS nuju pengelantang komuniti enggau orang gawa ti nyulut,” ku iya.-EDISI UKAS